രണ്ടാം വർഷ ഹയർ സെക്കണ്ടറി വിദ്യാർത്ഥികൾക്കുള്ള സേ / ഇമ്പ്രൂവ്മെൻറ് പരീക്ഷ 2017 ജൂൺ 7 മുതൽ 13 വരെ നടക്കും. 2017 മാർച്ച് മാസത്തിൽ നടന്ന പരീക്ഷയ്ക്ക് രെജിസ്ടർ ചെയ്തിരുന്ന വിദ്യാർത്ഥികൾക്ക് മാത്രമെ അതിൻറെ തുടർച്ചയായി നടക്കുന്ന സേ പരീക്ഷ അല്ലെങ്കിൽ ഇമ്പ്രൂവ്മെൻറ് പരീക്ഷയ്ക്ക് രെജിസ്ടർ ചെയ്യാൻ കഴിയൂ.
2017 ഫെബ്രുവരിയിൽ നടന്ന പ്രാക്ടിക്കൽ പരീക്ഷയിൽ പങ്കെടുക്കാൻ കഴിയാതിരുന്നവർക്ക് ഇപ്പോൾ സേ പരീക്ഷയുടെ ഭാഗമായി മെയ് 30 , 31 തീയതികളിൽ നടത്തുന്ന പ്രാക്റ്റിക്കൽ പരീക്ഷയിൽ പങ്കെടുക്കാവുന്നതാണ്. പ്രാക്റ്റിക്കൽ പരീക്ഷാകേന്ദ്രം ഏതെന്ന് സ്ക്കൂൾ പ്രിൻസിപ്പലിനോട് ചോദിച്ച് മനസ്സിലാക്കേണ്ടതാണ്. ഫെബ്രുവരിയിൽ നടന്ന പ്രാക്ടിക്കൽ പരീക്ഷയ്ക്ക് എല്ലാ വിഷയങ്ങൾക്കും പങ്കെടുത്തവർ വീണ്ടും പങ്കെടുക്കേണ്ടതില്ല.
അപേക്ഷ സമർപ്പിക്കേണ്ടത് ആർക്ക്
2017 മാർച്ചിൽ പരീക്ഷ എഴുതിയ സ്കൂളിലെ പ്രിൻസിപ്പാളിനാണ് സേ / ഇമ്പ്രൂവ്മെൻറ് പരീക്ഷയ്ക്കുള്ള അപേക്ഷ നൽകേണ്ടത്. അപേക്ഷയിൽ പാസ്പോർട്ട് സൈസ് ഫോട്ടോ പതിച്ചിരിക്കണം. പരീക്ഷയ്ക്ക് മൂന്ന് ദിവസം മുൻപ് പരീക്ഷ എഴുതുന്നതിനുള്ള ഹാൾ ടിക്കറ്റും ഈ സ്കൂളിൽ നിന്നാണ് വിദ്യാർത്ഥികൾക്ക് ലഭിക്കുന്നത് . എന്നാൽ പരീക്ഷാകേന്ദ്രം മറ്റൊരു സ്കൂൾ ആയേക്കാം. ഹാൾ ടിക്കറ്റ് നൽകുമ്പോൾ പരീക്ഷാ കേന്ദ്രം ഏതെന്ന് പ്രിൻസിപ്പാൾ രേഖപ്പെടുത്തി നൽകും.
സേ (Save A Year) പരീക്ഷ
1. 2017 മാർച്ചിൽ നടന്ന രണ്ടാം വർഷ ഹയർ സെക്കണ്ടറി പരീക്ഷയിൽ റെഗുലർ വിദ്യാർത്ഥിയായി എഴുതുകയും എന്നാൽ ഏതെങ്കിലും വിഷയത്തിന് (വിഷയങ്ങൾക്ക്) ഉന്നത പഠനത്തിന് ആവശ്യമായ ഡി+ ഗ്രേഡ് എങ്കിലും ലഭിക്കാത്തവർക്ക് അത്തരം വിഷയങ്ങൾക്ക് രജിസ്ടർ ചെയ്യാം.
2. 2017 മാർച്ചിൽ നടന്ന രണ്ടാം വർഷ ഹയർ സെക്കണ്ടറി പരീക്ഷയിൽ കമ്പാർട്ട്മെന്റൽ വിദ്യാർത്ഥിയായി എഴുതുകയും എന്നാൽ ഏതെങ്കിലും ഒരു വിഷയത്തിന് മാത്രമായി ഉന്നത പഠനത്തിന് ആവശ്യമായ ഡി+ ഗ്രേഡ് ലഭിക്കാത്തവർക്ക് ആ ഒരു വിഷയത്തിന് മാത്രമായി രജിസ്ടർ ചെയ്യാം. കമ്പാർട്ട്മെന്റൽ വിദ്യാർത്ഥികൾ ഒന്നിൽ കൂടുതൽ വിഷയങ്ങളിൽ യോഗ്യത നേടാൻ ബാക്കി ഉണ്ടെങ്കിൽ അവർക്ക് സേ പരീക്ഷയ്ക്കപേക്ഷിക്കാൻ അർഹതയില്ല .
ഫീസ് നിരക്ക്
സേ പരീക്ഷാ ഫീസ് - ഒരു വിഷയത്തിന് 150 രൂപ വീതം
സർട്ടിഫിക്കറ്റ് ഫീസ് - ആകെ 40 രൂപ
പ്രാക്ടിക്കൽ പരീക്ഷാ ഫീസ് - ഒരു പ്രാക്ടിക്കൽ വിഷയത്തിന് 25 രൂപ വീതം
ഏതെങ്കിലും കാരണത്താൽ പ്രാക്ടിക്കൽ പരീക്ഷയ്ക്ക് ഇതു വരെ ഹാജരാകാൻ സാധിക്കാതെ വന്ന വിദ്യാർത്ഥികൾ മാത്രം ഇപ്പോൾ പ്രാക്ടിക്കൽ പരീക്ഷയ്ക്ക് ഹാജരായാൽ മതി.
ഏതെങ്കിലും കാരണത്താൽ പ്രാക്ടിക്കൽ പരീക്ഷയ്ക്ക് ഇതു വരെ ഹാജരാകാൻ സാധിക്കാതെ വന്ന വിദ്യാർത്ഥികൾ മാത്രം ഇപ്പോൾ പ്രാക്ടിക്കൽ പരീക്ഷയ്ക്ക് ഹാജരായാൽ മതി.
ഇമ്പ്രൂവ്മെൻറ് പരീക്ഷ
2017 മാർച്ചിൽ റെഗുലർ വിദ്യാർത്ഥിയായി പരീക്ഷ എഴുതി മുഴുവൻ (ആറ്) വിഷയങ്ങൾക്കും ഡി + ഗ്രേഡ് അല്ലെങ്കിൽ അതിനേക്കാൾ ഉയർന്ന ഗ്രേഡ് വാങ്ങിയവർക്ക് അവയിൽ ഏതെങ്കിലും ഒരു വിഷയത്തിൻറെ മാത്രം മാർക്ക് മെച്ചപ്പെടുത്തുന്നതിനായി ഇമ്പ്രൂവ്മെൻറ് പരീക്ഷയ്ക്ക് രെജിസ്ടർ ചെയ്യാം.
ഫീസ് നിരക്ക്
പരീക്ഷാ ഫീസ് - ഒരു വിഷയത്തിന് 500 രൂപ
സർട്ടിഫിക്കറ്റ് ഫീസ് - ആകെ 40 രൂപ
സേ പരീക്ഷയിൽ വിദ്യാർത്ഥിയുടെ യോഗ്യത/അയോഗ്യത രേഖപ്പെടുത്തിയ ക്രോഡീകരിച്ച മാർക്ക് ലിസ്റ്റായിരിക്കും നൽകുക.
മാർച്ചിലെ പരീക്ഷയ്ക്ക് ലഭിച്ച സ്കോറുകളും ഇമ്പ്രൂവ്മെൻറ് പരീക്ഷയ്ക്ക് ലഭിക്കുന്ന സ്കോറുകളും സംയോജിപ്പിച്ചു കൊണ്ടുള്ള സർട്ടിഫിക്കറ്റ് നൽകുന്നതല്ല.
സേ പരീക്ഷയിൽ വിദ്യാർത്ഥിയുടെ യോഗ്യത/അയോഗ്യത രേഖപ്പെടുത്തിയ ക്രോഡീകരിച്ച മാർക്ക് ലിസ്റ്റായിരിക്കും നൽകുക.
മാർച്ചിലെ പരീക്ഷയ്ക്ക് ലഭിച്ച സ്കോറുകളും ഇമ്പ്രൂവ്മെൻറ് പരീക്ഷയ്ക്ക് ലഭിക്കുന്ന സ്കോറുകളും സംയോജിപ്പിച്ചു കൊണ്ടുള്ള സർട്ടിഫിക്കറ്റ് നൽകുന്നതല്ല.
സേ / ഇമ്പ്രൂവ്മെൻറ് പരീക്ഷയ്ക്കുള്ള വിജ്ഞാപനം , അപേക്ഷാഫോം , പരീക്ഷാ ടൈം ടേബിൾ എന്നിവ ചുവടെ നിന്നും ഡൌൺലോഡ് ചെയ്യാം.
DOWNLOADS FOR HIGHER SECONDARY SAY / IMPROVEMENT EXAMINATION MAY / JUNE 2017
|